Monday, March 15, 2010

അക്ബര്‍ മാഷ് പടിയിറങ്ങുന്നു

from "Madhyamam"
Saturday, March 13, 2010

ട്ടോളി: മാര്‍ച്ച് വിരഹത്തിന്റെ നിലവിളിയാണ്. വട്ടോളി നാഷനല്‍ ഹൈസ്കൂളിലെ അധ്യാപകര്‍ക്കും വിദ്യാര്‍ഥികള്‍ക്കും ഈ മാര്‍ച്ച് വേര്‍പിരിയലിന്റെ ഒടുങ്ങാത്ത നൊമ്പരമാകുന്നു. അവരുടെ പ്രിയപ്പെട്ട അക്ബര്‍ മാഷ് മാര്‍ച്ച് 31ന് അധ്യാപന ജീവിതത്തില്‍നിന്ന് പടിയിറങ്ങുകയാണ്.

'ങ്ങള് കഥേല് ഞാളേപറ്റീം എഴുതി... ല്ലേ...' എന്ന് വിദ്യാര്‍ഥികള്‍ക്കിനി പരിഭവം പറയാന്‍ അക്ബര്‍ കക്കട്ടില്‍ വട്ടോളി സ്കൂളിലെ ഗുല്‍മോഹര്‍ തണലിലുണ്ടാവില്ല. എ.കെ.ബി സ്റ്റാഫ് സെക്രട്ടറി അല്ലാത്ത സ്കൂള്‍ കാലത്തെ കുറിച്ച് അധ്യാപകര്‍ക്കും ഓര്‍ക്കാനാവുന്നില്ല.
1980 ജൂലൈ 30ലെ മഴ നനഞ്ഞ പ്രഭാതത്തിലാണ് 26 കാരനായ കക്കട്ടില്‍ അബ്ദുല്ലയുടെയും കുഞ്ഞാമിനയുടെയും മകന്‍ അക്ബര്‍ വട്ടോളി നാഷനലിന്റെ പടി കടന്നെത്തിയത്. ഹൈസ്കൂള്‍ കാലത്ത് മലയാളം പഠിക്കാതെ സംസ്കൃതം പഠിച്ച അക്ബറിന് മലയാളം വാധ്യാരുടെ വേഷമായിരുന്നു കാലം കാത്തുവെച്ചത്. അക്ഷരക്കൂട്ടങ്ങളുടെയും നിഷ്കളങ്ക മുഖങ്ങളുടെയും നടുവില്‍ ഇതാണ് നിയോഗമെന്ന് മാഷും തിരിച്ചറിഞ്ഞു. അപ്പോഴേക്കും കഥ എഴുതുന്ന മാഷിന്റെ പേര് കേരളത്തില്‍ പരിചിതമായി കഴിഞ്ഞിരുന്നു. നാലു വര്‍ഷത്തിന് ശേഷം കുറ്റ്യാടി ഗവ. എച്ച്.എസിലേക്ക് കൂടുമാറി. പിന്നീട് എട്ടു വര്‍ഷത്തോളം കൂത്താളി ഹൈസ്കൂള്‍, കോട്ടയം പായിപ്പാട്ട് നവോദയ വിദ്യാലയം എന്നിവിടങ്ങളില്‍ ജോലി നോക്കിയ ശേഷം 1992 ഡിസംബര്‍ ഒന്നിന് തുടങ്ങിയേടത്ത് തന്നെ തിരിച്ചെത്തി; വട്ടോളി നാഷനലിലെ ഗുല്‍മോഹര്‍, വെങ്കണ മരങ്ങള്‍ വീണ്ടും തളിര്‍ത്തു.

അക്ബര്‍ കക്കട്ടിലിന്റെ സര്‍വീസ് സ്റ്റോറി കഥയുടെ ചിറകു വിടര്‍ത്തി മലയാളിയുടെ അക്ഷര ലോകത്ത് നൈര്‍മല്യം പരത്തിയിട്ടുണ്ട്. 'അധ്യാപക കഥകള്‍' എന്ന സമാഹാരത്തിലെ 'ഇനി നമുക്ക് റഷീദയെ കുറിച്ച് സംസാരിക്കാം' എന്ന കഥ അനുഭവ സ്പര്‍ശം കൊണ്ട് കൂട്ടത്തില്‍ വേറിട്ടുനില്‍ക്കുന്നു.
റഷീദ എന്ന കഥാപാത്രം തന്റെ രണ്ട് വിദ്യാര്‍ഥിനികള്‍ ചേര്‍ന്നതാണെന്ന് കഥാകൃത്ത് വെളിപ്പെടുത്തുന്നു. പക്ഷേ, കഥയിലെ തിയറ്ററിലെ കൂടിക്കാണലൊക്കെ ഭാവനയാണ്. കഥ പ്രസിദ്ധീകരിച്ച ശേഷം യഥാര്‍ഥ റഷീദയെ കഥാകൃത്ത് നേരിട്ടപ്പോള്‍ ഇങ്ങനെയൊരു സംഭാഷണം നടന്നു.
റഷീദ: മാഷ്... ന്നെ പറ്റി കഥയെഴുതി ല്ലേ...?
കഥാകൃത്ത്: അത് നീയാണെന്ന് നിനക്കെന്താത്ര ഉറപ്പ്?
റഷീദ: മാഷ്ക്ക് ഉറപ്പുണ്ടല്ലോ. നിക്ക്... അതു മതി!
അടുത്തിടെ 'ഗുളിക വിഴുങ്ങുന്ന കുട്ടികള്‍' എന്ന തലക്കെട്ടില്‍ എഴുതിയ അധ്യാപന അനുഭവ ലേഖനം അതിവേഗതയുടെ കാലത്ത് ഒരു വിഭാഗം കുട്ടികള്‍ക്ക് വന്ന അപഭ്രംശമാണെന്ന് അക്ബര്‍ കക്കട്ടില്‍ വിശദീകരിക്കുന്നു.

അധ്യാപകന്‍ വടിയെടുക്കരുത് എന്ന പുതു പ്രമാണത്തോട് ഈ സ്നേഹാധ്യാപകന്‍ പൂര്‍ണമായും യോജിക്കുന്നില്ല. തല്ലി നന്നായ കുട്ടികളുമുണ്ട്. കുട്ടികളെ സ്നേഹം കൊണ്ട് തല്ലുന്ന വിദ്യ അധ്യാപകന്‍ അറിയണമെന്നു മാത്രം.
മലയാള സാഹിത്യ ലോകത്തെ വടക്കുനിന്നുള്ള കുടുംബവൃത്താന്തക്കാരന് ഇപ്പോഴേ സാഹിത്യ ലോകത്ത് നിന്നും പത്രപ്രസിദ്ധീകരണ രംഗത്ത് നിന്നും ധാരാളം ഓഫറുകളുണ്ട്. കുറച്ച് സമയമെടുത്ത് വിശ്രമിച്ച ശേഷം തീരുമാനമെടുക്കാനാണ് പരിപാടി.
'സര്‍വീസ് സ്റ്റോറിയും ഓര്‍മ... അനുഭവം.. യാത്ര..' എന്നീ അനുഭവ പശ്ചാത്തലമുള്ള രചനകളും ഉടന്‍ പുസ്തകമാക്കി ഇറങ്ങുന്നു.
30 കൊല്ലത്തെ അധ്യാപന ജീവിതത്തില്‍ 21 കൊല്ലവും ആറു മാസവും 11 ദിവസവും ജോലി ചെയ്ത (ചെയ്യുന്ന) വട്ടോളി നാഷനലില്‍ അത്രയും കാലം എ.കെ.ബി തന്നെയായിരുന്നു സ്റ്റാഫ് സെക്രട്ടറി.
ഈ 31ന് കൂടെ വിരമിക്കുന്ന ഹെഡ്മാസ്റ്റര്‍ ശ്രീധരന്‍ ഡെപ്യൂട്ടി എച്ച്.എം ജനാര്‍ദനന്‍ എന്നിവര്‍ക്കുമായി ഗംഭീര യാത്രയയപ്പ് നല്‍കാനുള്ള ഒരുക്കത്തിലാണ് അധ്യാപകരും വിദ്യാര്‍ഥികളും നാട്ടുകാരും
.
.

4 comments:

ASHIK said...

Hellow,Prayamayal retired avum.Orupatu alkar BEd kazinju joliyillathe thendithirinju nadakunundu.avarku joliyavatte.Akbar mash Sahityalokathu ninnum viramikunnundengile..nam dhukkikkendatulloo.athu kondu ee mathiri koprayangalonnum varthayakkarut.

Faizal Bin Mohammed™ said...

എന്‍റെ പോന്നാഷിക്കെ

കുഴപ്പം വേണ്ട. അക്ബര്‍ മാഷ്‌ പെന്‍ഷന്‍ ആവുന്നതിനു ഒര് വിഷമവും എനിക്കില്ല. അക്ബര്‍ മാഷേ എനിക്ക് നേരിട്ട് പരിചയവും ഇല്ല. പക്ഷെ അക്ബര്‍ കക്കട്ടില്‍ എന്നത് എന്‍റെ ഒര് ഇഷ്ട എഴുത്ത്കാരനാണ്. അത് കൊണ്ട് മാത്രമാണ് ഈ ഒര് വാര്‍ത്ത ഇവിടെ കൊടുത്തത്.

പിന്നെ എന്‍ എ എം കോളേജിന്റെ അടുത്ത പ്രദേശത്തുള്ള ഒര് പ്രശസ്തനായ എഴുത്തുകാരന്‍ എന്നതും ഒര് കാര്യമാണ്.

പിന്നെ ഇതൊരു വാര്‍ത്ത മാത്രമല്ലേ???കോപ്രായമല്ലല്ലോ?..

nisar panoor said...

enthaanu ashik...oru sadaranakkaaran retired cheyyunnath poleyano ith...anganeyengil madhyamam poleyulla oru pathrathil engane ithoru valiya vaarthayaayi...

ASHIK said...

Akbar mash oru sahityakarananu.atanu njan paranjatu addeham sahitya lokathu ninnum viramikukayanengil oru valiya varthayanau.But ivide ayal oru school mash padathil ninnanu viramikunnatu.so it is not a big news.pinne madyamam poleyulla patrathile varthakalellam bayangara kemamano?madyamathinenda kombundo?Ivide etrayetra nalla newspapers undu.atilonnum vannillallo..