Friday, August 19, 2011

പ്രവാസി ഇന്ത്യക്കാരുടെ രജിസ്‌ട്രേഷന്‍ നടപടികള്‍ തുടങ്ങി

ദോഹ: ഖത്തറിലെ ഇന്ത്യന്‍ എംബസിയില്‍ രാജ്യത്തെ പ്രവാസി ഇന്ത്യക്കാരുടെ രജിസ്‌ട്രേഷന്‍ നടപടികള്‍ തുടങ്ങി. എംബസിയുടെ വെബ്‌സൈറ്റില്‍ (www.indianembassyqatar.org) നല്‍കിയിട്ടുള്ള പ്രത്യേക ലിങ്ക് വഴി പ്രവാസികള്‍ക്ക് രജിസ്റ്റര്‍ ചെയ്യാമെന്ന് ഫസ്റ്റ് സെക്രട്ടറി എം.ആര്‍ ഖുറൈശി അറിയിച്ചു. ഖത്തറിലുള്ള എല്ലാ ഇന്ത്യക്കാരും ഈ സംവിധാനം പ്രയോജനപ്പെടുത്തി എംബസിയില്‍ രജിസ്റ്റര്‍ ചെയ്യണമെന്ന് അദ്ദേഹം അഭ്യര്‍ഥിച്ചു. പ്രവാസി ഇന്ത്യക്കാരുടെ പൂര്‍ണവിവരങ്ങള്‍ ശേഖരിക്കുക എന്നതാണ് ഇതിന്റെ ലക്ഷ്യം.